- Данскиот Aлборг на лето ја завршува соработката со Себастијан Бартолд, а на негово место го носи Александар Блонц, кој доаѓа од ГОГ Гудме и се обврза на договор до 2028 година. Блонц претходно играше за Елверум и ПИК Сегед.
- Десниот бек на францускиот Нант, Жулиен Бос, од летото 2026 година би можел да стане играч на полскиот Келце, пишува „Ouest France“. Тој би требало да биде замена за Хорхе Македа, чиј договор истекува следното лето.
- Една од најдобрите словенечки ракометарки, Тјаша Станко, од идното лето ќе биде ракометарка на европскиот првак Ѓер. Средниот бек потекнува од Загорје, играше во Крим, Подравка и Мец, пред во 2021 година одново да се врати во Крим.
- Јапонскиот репрезентативец Југа Еномото е ново засилување за српскиот шампион Војводина. Десното крило доаѓа во Нови Сад од унгарската Татабања, а претходно играше за Кечкемет и Будаи.
