Ракометарите на Охрид ги очекува голем предизвик на гостувањето кај словенечкиот Целје во првиот полуфинален натпревар од ЕХФ Европскиот Куп.
Охриѓани досега немаат пораз на меѓународна сцена, а десното крило Дарко Ѓукиќ ги сподели очекувањата пред пресметката со некогашниот европски првак.
„Се истрошивме на натпреварите од Купот, особено во финалето против Вардар, но немаме време за тага, и мора да се свртиме кон Целје. Се подготвуваме и ќе дадеме се од себе да оствариме победа во Целје. Ќе дадеме се од себе. Нема да биде лесно, една сериозна екипа е, ама како и секогаш до сега во оваа сезона ќе одиме на победа. Секоја чест за нашите навивачи кои ни пружат поддршка низ текот на целата сезона, драго ми е што ќе патуваат со нас, ќе не бодрат во Целје и ќе се обидеме да ги израдуваме“, изјави Ѓукиќ.
Натпреварот меѓу Целје и Охрид се игра утревечер со почеток од 18:00 часот во „Златорог Арена“.
