Актуелниот европски шампион Магдебург ги освои бодовите на гостувањето во Полска кај Висла Плоцк, откако во неизвесен дуел триумфираше со 28:26 во натпревар од 4. коло од Лигата на шампионите.
Магдебург во поголемиот дел од првото полувреме беше во резултатска предност, водеше и со пет гола разлика, но домашниот тим направи камбек во вторите 30 минути и речиси до самиот крај беше во игра барем за бод.
Откако германскиот тим замина на пауза со 14:12, во вториот дел дозволи Вицла Плоцк да се врати во игра, па така европскиот првак стравуваше за бодовите.
По предноста на Висла Плоцк од 23:22, гостите со серија од 3:0 се одлепија на 25:23 и во тој момент не ја испуштија стекнатата предност.
Одлична партија во победничката екипа имаше Феликс Клар со девет погодоци. Кај Висла Плоцк со шест погодоци се истакна хрватскиот репрезентативец Тин Лучин.
ПОВРЗАНИ ВЕСТИ
