Тимот на Текстилец славеше против Јехона со 42-35 во натпреварот од 23 коло во прволигашката конкуренција.
Гостите од Гостивар играа одлично 25 минути и водеа со 16-14, но до паузата паднаа во ритамот, примија пет гола во серија и штипјани ја преземаа контролата, 19-16.
Во второто полувреме доминираа момците на Бобан Попов, иако гостите во еден момент намалија на минус два, 32-30, сепак немаа сили за нешто повеќе на овој дуел.
Најдобри стрелци во победничкиот тим беа Стојанов со осум, како и Атанасовски и Џинес со по седум погодоци, додека кај Јехона, Салиу даде осум гола.
