Машката репрезентација на Македонија славеше над Катар со 39-34 во второто коло од главната рунда на Мундијалот.
Селекторот на Катар, Веселин Вујовиќ, вели дека победата на Македонија е заслужена и дека неговиот стар тим не може да го следи темпото на вакво натпреварување.
„Честитки до Македонија и мојот колега Лазаров. Тие заслужено беа подобри од Катар денес. Ова натпреварување е тешко за мојот стар тим. По два натпревари во кои примивме 80 гола, тоа е премногу за ова ниво на натпреварување. Се обидовме да менуваме, да напаѓаме позиционо и да ја смениме дефанзивата. Овој меч заврши, честитки до Македонија која в сабота треба да ужива против Французите. Ние ќе се обидеме да одиграме добар натпревар против Унгарија“, изјави Вујовиќ.
Катар во последното коло ќе се соочи со Унгарија, но не може да напредува од последното место на табелата, додека Македонија ќе се соочи со Франција.
