По седум кола кај дамите: Ѓорче Петров се одлепи на врвот – нема загубено ниту бод!

Актуелниот бранител на титулата во женска конкуренција, тимот на Ѓорче Петров, го задржа епитетот најдобра женска екипа во Македонија, откако во дербито од 7. коло полесно од очекуваното го совлада Чаир со 45:29.

Ѓорчепетровки остануваат непоразени по седум одиграни кола, го водат орото кај дамите и се на добар пат да ја одбранат титулата. Моментално, најголем конкурент на Ѓорче Петров за првата позиција е вицепрвакот Куманово, кој во дербито против Вардар победи со речиси една постава.

Куманово против „црвено-црните“ освои три важни бода, триумфираше со 25:24 и си ги задржа шансите за првото место. Сепак ниту Вардар, како и Чаир, кој по поразот од „лавиците“ ќе треба да се консолидира и на терен да ги оправда големите вложувања, не треба да се отпишат.

Во игра за повисок пласман, односно за второ место е новакот во Женската лига, Металург Автокоманда. Тимот предводен од Јулијана Дамчевска на седум одиграни натпревари оствари пет победи и со 15 бода се наоѓа на 5. позиција, но има само бод помалку во однос на Вардар и Чаир.

За солиден пласман на табелата, според прикажаното на терен, би се бореле Стружанка и Пелистер, додека останатите клубови од 8 до 14 место располагаат со сличен квалитет, имаат исти амбиции, па така се очекува голема борба за избегнување на последните места.

Женска лига, 7. коло, резултати:

Металург Автокоманда – Гевгелија 43:9 (ИЗВЕШТАЈ)
Ѓорче Петров – Чаир 45:29 (ИЗВЕШТАЈ)
Спартак – Овче Поле СУ 26:25 (ИЗВЕШТАЈ)
Вардар – Куманово 24:25 (ИЗВЕШТАЈ)
Стружанка – Шампион 39:33 (ИЗВЕШТАЈ)
Деспина – Скопје 24:20 (ИЗВЕШТАЈ)
Пелистер – Астибо 37:18 (ИЗВЕШТАЈ)

ПозЕкипаНПРЛБ
1ЃОРЧЕ ПЕТРОВ13130039
2ЧАИР13111134
3МЕТАЛУРГ АВТОКОМАНДА13110233
4КУМАНОВО13100330
5ВАРДАР1391328
6СТРУЖАНКА1361619
7ДЕСПИНА1351716
8ПЕЛИСТЕР 20121351716
9СКОПЈЕ1351716
10СПАРТАК1350815
11ОВЧЕ ПОЛЕ С. У.1332811
12АСТИБО1330109
13ШАМПИОН1310123
14ГЕВГЕЛИЈА1300130