Тимот на Металург РА ги промовираше четирите нови засилувања за новата сезона во прволигашката конкуренција.
Станува збор за Бојан Поповски, кој доаѓа од Преспа Вардар, Петар Стојановски од Пролет, како и повратникот во екипата Џулијано Христоски од Голден Арт.
Меѓу новите имиња во Автокоманда е кружниот напаѓач Кристијан Анѓелковски, кој играше за Драчево во минатата сезона, а претходно беше дел од Вардар Јуниор и Работнички.
Металург РА претходно го промовираше и младиот стратег Мартин Бурчевски, кој ќе го води клубот во прволигашките предизвици.
Тимот од Автокоманда стартуваше со победа над Астраион во Струмица, а во второто коло на домашен терен ќе го пречека составот на Јехона.
ПОВРЗАНИ ВЕСТИ
