Матео Фадуил е нов играч на Вардар, а францускиот среден бек уште со првата изјава покажа со какви амбиции доаѓа во Скопје. 23-годишниот ракометар пристигнува од Трембле, каде сезонава беше меѓу најдобрите играчи и еден од најефикасните во француското првенство.
Но најсилната порака ја испрати кон навивачите на „црвено-црните“.
„Здраво на сите! Навистина сум возбуден што доаѓам во овој историски ракометен клуб. Едвај чекам да се запознаам со сите неверојатни навивачи на Вардар и да му помогнам на тимот да победи на што е можно повеќе натпревари и да освои што е можно повеќе трофеи. Се гледаме наскоро – ајде да направиме арената да грми!“, изјави Фадуил.
Со овој трансфер, Вардар добива млад и квалитетен организатор на играта, а според првите зборови на Фадуил – и играч што доаѓа подготвен за големи цели.
Добивај директно вести на твојот мобилен телефон, приклучи се на Viber групата на семејството на 24ракомет. Со еден клик до сите ракометни вести
Вардар потврди: Доаѓа четвртиот најдобар стрелец од Франција!
