Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 12 коло од суперлигашката конкуренција. Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има има по еден ракометар од Еурофарм Пелистер, Вардар, Охрид, Еурофарм Пелистер 2, Прилеп, Голден Арт и Куманово.
За МВП на колото ќе можете да гласате до недела до 12 часот.
Супер лига, 12. коло, резултати:
Група А
СТРУГА – АЛКАЛОИД 17-29 (ИЗВЕШТАЈ)
АЕРОДРОМ – ЕУРОФАРМ ПЕЛИСТЕР 2 26-27 (ИЗВЕШТАЈ)
КУМАНОВО – СКОПЈЕ 29-21 (ИЗВЕШТАЈ)
ОХРИД – ТИКВЕШ 36-31 (ИЗВЕШТАЈ)
Група Б
ВАРДАР НЕГОТИНО – ВАРДАР 22-35 (ИЗВЕШТАЈ)
БУТЕЛ СКОПЈЕ – ЕУРОФАРМ ПЕЛИСТЕР 30-32 (ИЗВЕШТАЈ)
ПРОЛЕТ – ГОЛДЕН АРТ 24-24 (ИЗВЕШТАЈ)
ПРИЛЕП – МУЛТИ ЕСЕНС 34-31 (ИЗВЕШТАЈ)
ИДЕАЛЕН ТИМ НА 12. КОЛО ОД СУПЕРЛИГА
Голман: Даниел Ѓорѓески (Охрид) – Чуварот на мрежата на охриѓани беше меѓу најдобрите поединци на дербито против Тиквеш.
Лево крило: Хансер Родригез (Вардар) – Кубанскиот репрезентативец играше на повеќе позиции, а постигна осум гола во триумфот во Неготино.
Лев бек: Христијан Милошески (Голден Арт) – Прилепчанецот беше стрелец на голот за реми и бод кај составот на Пролет.
Среден бек: Мирче Калајџиески (Еурофарм Пелистер 2) – Младинскиот репрезентативец ги предводеше битолчани до три бода кај Аеродром.
Десен бек: Павле Петровиќ (Еурофарм Пелистер) – Босанецот одигра одлична партија на гостувањето кај Бутел Скопје.
Десно крило: Денис Шабановиќ (Прилеп) – Црногорското десно крило беше меѓу најдобрите поединци во победата на домашен терен против дебитантот.
Пивот: Зоран Ѓурковиќ (Куманово) – Српскиот кружен напаѓач беше најдобар стрелец во првата сезонска победа на Куманово.
ПОВРЗАНИ ВЕСТИ
