Македонскиот репрезентативец Мартин Серафимов стави потпис на договорот со шампионот Еурофарм Пелистер.

По пет сезони минати во „сино-белиот“ тим од Автокоманда, десниот бек ќе има нов предизвик во кариерата. Како што одамна најави 24Ракомет, Серафимов заминува од тимот предводен од македонскиот селектор и ќе заигра од лето за битолскиот клуб, со кој потпиша договор на две сезони.

Серафимов потекнува од школата на Металург, играше за првиот и вториот тим на овој клуб, со кој има настапи и во Лигата на шампионите и Лигата на Европа.

„Нашиот клуб секогаш бил асоцијација за македонската репрезентација и во секој успех вградил многу свои членови и протагонисти. Затоа секој потпис на македонски репрезентативец многу ни значи. Денес го официјализираме како наш нов член Мартин Серафимов, десниот бек на националниот тим. Тој потпиша двегодишен договор со Еурофарм Пелистер и од сезоната 2026/27 ќе му се стави на располагање на стручниот штаб. Серафимов во Битола доаѓа од Алкалоид, а претходно го носеше дресот на Металург. Со потписот на 26-годишниот Серафимов нашиот клуб добива квалитет и инвестиција која ќе остави трага во клубот и градот“, се вели во објавата на клубот.

Претходно Еурофарм Пелистер ги продолжи договорите со Никола Граховац, Жарко Пешевски и Ник Хенигман.

Кружниот напаѓач на Вардар, Нина Попова, го доби признанието за најкорисна ракометарка, односно ѕвезда на 19. коло во Супер женската лига.

Таа имаше одлична партија на мечот против Пелистер и беше меѓу клучните ракометарки за победата со осум голови.

Попова го освои првото место откако во анкетата, откако доби околу 82% од гласовите на читателите на 24Ракомет.

Во конкуренција за ѕвезда на 19. коло беа уште и членките на Спартак и Чаир, Анастасија Николовска и Мила Трајковиќ.

По поразот на Еурофарм Пелистер на домашен терен од екипата на Охрид, 27-26, јасно е дека повеќе од сигурно дека титулата по три сезони пауза ќе се врати во Скопје. Само чудо, и тоа огромно, треба да се случи за да не се валоризира сегашната предност на „црвено-црните“ во плеј-офот.

По четири одиграни кола во плеј-офот, Вардар има 50 бодови, додека Охрид е втор со 42, а исто толку има актуелниот првак Еурофарм Пелистер на третото место. Се играат вкупно десет кола.

Вардарци утре ги чека средба со Бутел Скопје од петтото коло, на која се големи фаворити, а по Ф4 во Купот на Македонија, кој е закажан за следниот викенд, ќе го одиграат дуелот со тимот на Лазаров на 25 април.

Победа на тој натпревар и математички ќе им ја донесе титулата на „црвено-црните“ на четири кола до крајот на плеј-офот, па ќе можат без притисок да се подготвуваат за двомечот од четвртфиналето на Лигата на Европа со францускиот Монпелје.

Три сезони по ред шампион на Македонија е Еурофарм Пелистер, но оваа сезона е јасно дека Вардар нема да пропушти прилика да се врати на тронот.

Денеска во просториите на Ракометната федерација на Македонија беа извлечени двојките за натпревари од 5 коло во суперлигашкиот плеј-оф/аут.

Дербито на колото ќе се игра во Автокоманда, каде што ќе гостува шампионот Еурофарм Пелистер, а ждрепката сакаше овој меч да го судат Славе Николов и Ѓорѓи Начевски.

Двобојот меѓу Вардар и Бутел, ждрепката им го „довери“ на браќата Георгиевски, додека Илиевски и Шуковски ќе ја делат правдата на средбата Охрид – Тиквеш.

Најинтересниот дуел од плеј-аутот меѓу Прилеп и Еурофарм Пелистер 2 ќе го судат Карбеска и Илиева.

Супер лига, плеј-оф/аут, 5 коло:

Алкалоид – Еурофарм Пелистер (Николов/Начевски)
Вардар – Бутел Скопје (Георгиевски/Георгиевски)
Охрид – Тиквеш (Илиевски/Шуковски)
Струга – Радовиш (Илиевски/Илиевски)
Куманово – Пролет (Митревски/Тодоровски)
Прилеп – Еурофарм Пелистер 2 (Карбеска/Илиева)

Петтото коло од суперлигашкиот плеј-оф ќе се одигра во пет дена – два меча пред Велигден, а еден после празникот.

Дербито во Автокоманда, меѓу тимот на Кирил Лазаров и шампионот Еурофарм Пелистер е закажано за вторник, 14 април со почеток од 19:30 часот.

Претходно в четврток од 15:15 часот, ќе се одигра натпреварот меѓу Вардар и Бутел Скопје, додека в петок од 17:00, Охрид на домашен терен ќе го пречека Тиквеш.

На табелата, Вардар води со 50 бодови, Еурофарм Пелистер има 42, но и меч помалку, додека Охрид на третото место има 40, исто така со натпревар помалку.