Традицијата продолжува и екипата на 24Ракомет и годинава ќе ви овозможува во секое коло да гласате за најдобрите ракометари по коло во вториот дел од сезоната.
Сезоната ќе биде долга, ќе има неизвесни битки за титулата и за опстанокот, а на љубителите на ракометот нема да им недостигаат драматични и неизвесни натпревари.
Ние ги одбравме најдобрите седум, а со помош на вашите гласови ќе се одбере ракометарот кој ќе биде МВП на колото. Ќе можете да гласате до недела до 11 часот.
СУПЕР МАШКА ЛИГА – ПЛЕЈ-ОФ
РЕЗУЛТАТИ ОД 8. КОЛО
ЕУРОФАРМ ПЕЛИСТЕР 2 – ВАРДАР 26:33 (ИЗВЕШТАЈ)
СТРУГА – ЕУРОФАРМ ПЕЛИСТЕР 16:30 (ИЗВЕШТАЈ)
МЕТАЛУРГ – ПРОЛЕТ 29:22 (ИЗВЕШТАЈ)
ОХРИД – БУТЕЛ СКОПЈЕ 22:22 (ИЗВЕШТАЈ)
ТАБЕЛА
СУПЕР МАШКА ЛИГА – ПЛЕЈ-АУТ
РЕЗУЛТАТИ ОД 8. КОЛО
КЛ 7 – ПРИЛЕП 35:36 (ИЗВЕШТАЈ)
РАДОВИШ – РАБОТНИЧКИ 27:14 (ИЗВЕШТАЈ)
ГРК ТИКВЕШ – ЈУНИОР КИСЕЛА ВОДА 29:31 (ИЗВЕШТАЈ)
МЛАДОСТ – АСТРАИОН 30:19 (ИЗВЕШТАЈ)
ТАБЕЛА
ИДЕАЛЕН ТИМ НА 8. КОЛО
ГОЛМАН: Матеј Петковски (Јуниор Кисела вода) – Имаше добро издание на гостувањето кај ГРК Тиквеш. Одбрани многу тешки удари, а имаше важни одбрани кога беше најпотребно.
ЛЕВО КРИЛО: Мирко Мајиќ (Бутел Скопје) – Ракометарот од Црна Гора беше нерешлива загатка за охриѓани и беше играч од кој зависеа многу работи на теренот. Тој ги предводеше колегите со осум гола до големиот бод.
ЛЕВ БЕК: Давор Шокоски (Прилеп) – Ракометарот на прилеп полека влегува во сè подобра форма, а тоа се гледа и по играта на тимот. Прилеп победи кај КЛ 7, а Шокоски беше меѓу подобрите со шест гола.
СРЕДЕН БЕК: Игор Мршуља (Јуниор Кисела вода) – Организаторот на играта на Јуниор Кисела вода имаше голем удел во победата во Кавадарци. Самиот постигна десет гола и беше еден од подобрите во нападот.
ДЕСЕН БЕК: Мартин Серафимов (Металург) – Металург имаше одличен натпревар против Пролет, а Серафимов заедно со Хорватбеше најдобриот на терен. Погоди шестпати, но имаше добра партија.
ДЕСНО КРИЛО: Мирко Радовиќ (Еурофарм Пелистер) – Крилото од Црна Гора одигра добра средба на гостувањето во Струга. Имаше добар ден кој му овозможи да се најде во тимот на колото.
ПИВОТ: Стојанче Стоилов (Вардар) – Дека момците од Еурофарм Пелистер 2 се сериозен ривал се виде и по сериозниот пристап на „црвено-црните“. Капитенот Стојанче Стоилов беше еден од најефикасните во тимот со шест гола.
ПОВРЗАНИ ВЕСТИ
