Радовиш со нова победа се врати во трката за опстанок

Екипата на Радовиш дојде до четвртата победа во плеј-аут групата од Супер машката лига откако денеска го совлада тимот на Работнички на свој терен со 27:24.

Радовишани успеаја да се изборат за важни бодови со кои се вратија во битката за опстанок и сега имаат ист број на бодови со Работнички, а само три помалку од екипите на Прилеп и КЛ 7.

Од почетокот на средбата радовишани беа во предност и имаа контрола. Постојано го зголемуваа водството така што без поголеми проблеми успеаја да се изборат за предност од шест гола, а оваа разлика ја имаа и на одмор, 20:14.

Овие шест гола, сепак, не беа гаранција за мирно продолжение на средбата бидејќи како одминуваше времето гостите се враќаа во игра. Тимот на Работнички дури успеа да дојде до израмнување откако домашните за 20 минути игра во второто полувреме постигнаа само два гола.

Ваквата игра донесе до 22:22, а потоа играчите на Радовиш одново се разбудија и успеаја до крајот да ја вратат предноста и да дојдат до победа од 27:24 за многу важни три бода од денешната пресметка.

СУПЕР МАШКА ЛИГА – ПЛЕЈ-АУТ

ТАБЕЛА