Единствениот специјализиран портал за ракомет, 24Ракомет, сезонава повторно избира „Ѕвезда на колото“ во женската Супер лига.
Читателите ќе имаат можност да ја изберат ракометарката што најмногу покажала во колото што е завршено и да биде избрана за „Ѕвезда на колото“.
На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.
Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.
Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на 15. коло од плеј-оф фазата во единствената женска сениорска конкуренција во Македонија.
Во изборот за ѕвезда на 15. коло од плеј-оф фазата има по една ракометарка од Ѓорче Петров, Чаир и Куманово.
За ѕвезда на колото може да гласате до петок до 12:00 часот.
Женска лига, плеј-оф, 15. коло, резултати:
Куманово – Астибо 36:22 (ИЗВЕШТАЈ)
Металург Автокоманда – Ѓорче Петров 22:33 (ИЗВЕШТАЈ)
Вардар – Чаир 34:37 (ИЗВЕШТАЈ)
ТРИ ЅВЕЗДИ НА 15. КОЛО ОД ПЛЕЈ-ОФОТ ВО ЖЕНСКАТА ЛИГА
Ивана Дежиќ (Ѓорче Петров) – Искусната ракометарка одигра одлично на гостувањето во Автокоманда и беше една од предводничките во победата на актуелниот шампион.
Сара Цветановска (Куманово) – Даде голем придонес во победата против Астибо, натпреварот го заврши со осум погодоци и неколку асистенции.
Стефанија Ѓорѓиевска (Чаир) – Левото крило повторно имаше одличен настап, овојпат постигна 13 погодоци во дерби дуелот против Вардар.
