Машката репрезентација на Грузија славеше против Босна и Херцеговина со 28-26 во квалификациите за ЕП 2026 и остана во игра за пласман на континенталниот собир.
Лидери на теренот на репрезентацијата предводена од Тите Каланадзе, беа бековите од Охрид и Гумерсбах, Теимураз Орјоникдзе и Гиорги Сковребадзе.
Двајцата постигнаа заедно 17 погодоци, а останатите голови беа дело на ракометари што играа во македонската Супер лига – Рустамов (Прилеп, Охрид) даде два, Дикаминџија (Струга) даде три, додека Кбилашвили (Металург) постигна пет гола.
Кај Босанците, Гргиќ погоди десет пати, а Алиловиќ стрелаше седум.
На табелата сега Исланд е прв со три од три, односно шест бода, додека Грција, Грузија и Босна и Херцеговина имаат по два бода.
Во следното коло Исланд ќе игра дома со Грција, додека Босна и Херцеговина ќе ја пречека Грузија.
