Репрезентацијата на Швајцарија испиша убава страница, откако на штотуку завршеното Европско првенство 2024 за првпат обезбеди пласман во главната фаза на континенталниот собир.
Швајцарија, која заедно со Унгарија и Австрија беа ко-домаќините, на ЕП го имаше своето второ учество, по она во 2022 кога заврши на 14 место, а сега беше подобра за две места.
Една од најзаслужните за пласманот во главната фаза беше Табеа Шмид, кружниот напаѓач настапот на континенталниот собир го заврши меѓу најдобрите стрелци.
21-годишната Шмид на седум натпревари постигна 44 погодоци и веднаш го привлече вниманието на големите клубови, а според данските медиуми, младата ракометарка се наоѓа пред трансфер во Есбјерг.
Шмид моментално настапува во Данска, таму го носи дресот на некогашниот учесник во ЛШ – Копенхаген и доколку направи трансфер во Есбјерг, тогаш ќе има можност да игра во европската елита.
