Македонскиот шампион Ѓорче Петров работи активно на составувањето на играчкиот кадар за претстојната сезона во која ќе влезе со големи промени, но и со големи амбиции на домашна и меѓународна сцена.
„Лавиците“ ја засилија пивотменската позиција со младата црногорска ракометарка Ангела Губериниќ. Tаа има 20 години (172/72), ги има поминато сите младински категории на Црна Гора, а дебитираше и за сениорската репрезентација.
Со нејзиниот досегашен клуб Будуќност беше дел и од најелитната конкуренција кај дамите, Лигата на шампионите. Со „лавиците“ потпиша договор до 2028 година.
Ѓорче Петров досега донесе три засилувања – средниот бек Ана Марија Коларовска, голманката Нина Вуксановиќ и десното крило Аника Јовановиќ.
Претходно соработките беа продолжение со Ива Велкова и Анастасија Трпеска, десното крило Ана Вранчиќ, како и средниот бек Мила Ѓорѓиевска.
