Репрезентацијата на Норвешка со победата над Шпанија од 25:24 (10:13) ги зголеми своите шанси за добар пласман на Мундијалот.
Норвешка, која е еден од организаторите на Светското првенство 2025, во групната фаза беше поразена од Бразил и Португалија, а пласманот во главната фаза го обезбеди со победа над САД.
Норвежаните со денешната победа успеаја да освојат два вредни бода, а до посакуваниот триумф дојдоа со пресвртот во вториот дел.
Исланд, кој во главната фаза влезе со максимални, четири бода, запиша важен триумф против Египет со 27:24 нанесувајќи им го првиот пораз на „фараоните“.
Островската земја во второто коло ќе ги одмери силите со Хрватска, додека во третото коло за ривал ја има Аргентина.
Токму Исланд ќе биде истакнат фаворит против Аргентина, но ќе се обиде да ги победи и „коцкестите“.
