Навивачите на Вардар, Комити, најавија гостување во салата „Боро Чурлевски“ во Битола каде ќе се одигра вечното дерби против Еурофарм Пелистер.
Билетите за овој натпревар беа распродадени за седум минути, а тој ќе мине во полн сјај со двете навивачки групи – Комити и Чкембари.
Шампионот Еурофарм Пелистер има 11 бода на првото место на табелата, додека Вардар е втор со десет бода, па победа за битолчани ќе значи чекор напред кон одбрана на титулата.
Натпреварот меѓу Еурофарм Пелистер и Вардар ќе се игра утревечер со почеток во 18:30 часот во „Боро Чурлевски“.
