Репрезентацијата на Франција во натпревар од 2. коло од главната фаза немаше проблеми против Холандија и дојде до триумф од 35:28.
Французите со денешната победа обезбедија пласман во четвртфиналето, а останува само да го одиграат натпреварот против Македонија во последното коло од главната фаза.
Искусниот Лука Карабатиќ вели дека на секој натпревар имаат задача да го дадам најдоброто од себе
,,Не би рекол дека имавме лесни натпревари, одигравме на ниво на сите, знаевме дека ќе треба да го дадеме максимумот и најпрво, да ја гледаме својата игра, мислам дека тоа е најважно, знаеме дека доколку го дадеме најдсѐоброто од себе, ќе бидеме победници, а тоа е нашата цел – да дадеме сѐ од себе”.
Иако е чудно да се гледа Франција без Никола Карабатиќ на големите натпреварувања, Лука истакнува дека мора да се навикнат без него.
,,Знаеме што значеше Никола за францускиот ракомет, но моравме да се навикнеме без него, мора репрезентацијата да оди понатаму, има иднина репрезентацијата, но секако дека ни недостасува”.
Лука имаше пофални зборови за Македонија и се надева на пoзитивен резултат на натпреварот против избраниците на Лазаров.
,,Не верувам дека ќе се опуштиме против Македонија, тоа не е стил на Франција, кога го носиш дресот на Франција, мора да го дадеш најдоброто, очекувам од наша страна тешка борба и добар ракомет. За нас целта е само да ја победиме Македонија, без разлика со колкава разлика, Македонците играат со срце, имаат добра енергија и нека победи подобриот”.
