Единствениот европски претставник од Македонија вo женска конкуренција, Чаир, игра во турбо-ритам пред двомечот од Европскиот Куп.

Чаир денеска ќе го пречека составот на Астибо од Штип, во натпреварот од 10 коло во Женската лига, што е закажано за следниот викенд, но тогаш избраничките на Басри Љатифи ќе имаат европски обврски, па затоа се игра порано.

Ова е четврти натпревар за Чаир во шест дена, ако се знае дека мечот со Скопје од 9 коло се играше во четвртокот, а за време на викендот одигра два дуели од Купот на Македонија против Ѓорче Петров 2 и Куманово.

И покрај напорното темпо, Чаир е фаворит против Астибо, а овој меч ќе послужи за добра подготовка за двомечот од третото коло во Европскиот Куп против португалскиот Колехио Де Гаиа.

Натпреварит меѓу Чаир и Колехио Де Гаиа се играат в сабота и недела во Автокоманда со почеток од 16:00 часот.

Европската ракометна федерација ги објави носителите на признанијата за најдобар млад ракометар и најдобра млада ракометарка за сезоната 2023/24.

Тоа се португалскиот репрезентативец Мартим Кошта и унгарската репрезентативка Петра Симон, кои ќе ги добијат признанијата на гала вечер на 14 декември во Виена.

Тие се наследници на минатогодишните добитници на овие признанија – Французинката Паулета Фопа и Словенецот Домен Макуц.

Унгарката Симон е членка на Ференцварош од 2022 година и игра во Лигата на шампионите. Ја предводеше младинската селекција на Унгарија до трофеј на младинското ЕП 2023 и таму беше МВП, а сега е селектирана и за настап на сениорското ЕП 2024.

Португалецот Кошта на 21 година, заедно со Матијас Гидсел, беше на врвот на стрелците на ЕП 2024 во Германија. Постигна 54 гола и промаши само 12 пати за текот на целото ЕП. На клупски план, има клучна улога во титулата на Спортинг Лисабон и игра одлично и во новата сезона во ЛШ.

Некогашниот стратег на Вардар, Раул Гонзалес, ќе биде новиот селектор на машката репрезентација на Србија од 2025 година.

Според „Моцарт Спорт“, шпанскиот стратег бил минатиот викенд на преговори со Ракометниот Сојуз на Србија, кои завршиле успешно, но многу веројатно, преземањето на репрезентацијата ќе се случи по завршувањето на договорот меѓу Раул и ПСЖ.

Шпанецот има договор со ПСЖ до 2025 година, а веројатно по седум сезони ќе си замине од Париз, додека РСС сака да има селектор професионалец кој ќе работи само со националниот тим, а не и во клуб.

Поради овој факт, РСС иако планираше да му даде отказ на актуелниот селектор Борис Ројевиќ, мораше да го остави на клупата за овој циклус од квалификациите за ЕП 2026.

Интересна ситуација се случила викендот во саботата, кога Раул заминувал од Белград, а на аеродромот биле и репрезентативците на Србија и стручниот штаб на чело со Ројевиќ. Летовите за Рим и Париз биле во приближно исто време, згора на тоа и гејтовите биле близу еден до друг, па средбата била неизбежна.

На Ројевиќ сигурно не му било пријатно да го дознае ова, но можеби и оваа „средба“ беше меѓу причините што Србија загуби од Италија со 31-30, иако имаше водство во последните три минути со 30-28.

По скандалозниот натпревар од Купот на Македонија меѓу Скопје и Гевгелија и одлуките на Дисциплинската Комисија на РФМ, се огласија и од Министерството за спорт.

Toa што го најави министерот за спорт, Борко Ристовски, веднаш по мечот меѓу Скопје и Гевгелија, денеска доби своја официјлизација, и на двата клуба им се поништени решенијата за дејност спорт.

„Во врска со последните случувања во ракометниот Куп на Македонија во женска конкуренција, по одигрувањето на Женската ракометна лига за сезоната 2024/2025 и појавата на неспортско однесување од страна на ЖРК Гевгелија и ЖРК Скопје на Куп натпреварот во групната фаза, Ракометната федерација на Македонија, по спроведена дисциплинска постапка, констатираше активности од страна на двете екипи кои се спротивни на начелото на фер-плеј, предизвикувајќи нарушување на спортскиот дух, спортскиот интегритет и витештво што е во целосна спротивност со Кодексот на ракометните клубови при РФМ и спротивно на Олимписката повелба.
Истото резултираше со исклучување на двете екипи од Ракометната федерација на Македонија и изрекување мерки на суспензија за повиканите официјални лица.
По изрекувањето на овие мерки од страна на РФМ, Министерството за спорт, во законска постапка, им ги поништи решенијата за дејност спорт на ЖРК Гевгелија и ЖРК Скопје со што тие повеќе немаат легитимитет да настапуваат во националниот систем на натпревари во македонскиот ракомет.
Министерството за спорт и Ракометната федерација на Македонија ја користат оваа прилика да упатат порака до сите спортски чинители да бидат одговорни на спортските борилишта што значи почитување на спортските правила кои се резултат на меѓународни консензуси во дејноста спорт и секогаш да бидат подготвени да го сочуваат спортскиот дигнитет, зашто преку спортот, како општо препознатлива вредност, покрај останатите придобивки, се претставува и афирмира македонскиот спорт во меѓународни рамки и се јакне националната свест“, се вели во соопштението.

Претходно Дисциплинската комисија на РФМ ги исфрли двете екипи од Женската лига, а покрај сениорските, ќе бидат исклучени и сите нивни екипи во младинските категории.

🎥 СКАНДАЛ во македонскиот Куп – си даваа автоголови, за да не победат!

🎥 Министерот Ристовски потврди – ќе им се одземат лиценците на Скопје и Гевгелија!

📸 Македонскиот ракомет стана сеир на Балканот!

24Ракомет дознава: РФМ ги исфрли Скопје и Гевгелија од лигата!

Две години суспензии за Радуловиќ, Треноска и Беќарова, казна и за делегатот на скандалозниот натпревар!

Единствениот специјализиран портал за ракомет, 24Ракомет, сезонава повторно и „ѕвезда на колото“ во женската Супер лига.

Читателите ќе имаат можност да ја изберат ракометарката што најмногу покажала во колото што е завршено, и да биде избрана за „Ѕвезда на колото“.

На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.

Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.

Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на 9-то коло во единствената женска сениорска конкуренција во Македонија.

Во изборот за ѕвезда на 9. коло има по една ракометарка од Куманово, Астибо и Пелистер.

За ѕвезда на колото може да гласате до петок до 12:00 часот.

Женска лига, 9. коло, резултати:

Група А
Астибо – Ѓорче Петров 2 31-27 (ИЗВЕШТАЈ)
Скопје – Чаир 27-39 (ИЗВЕШТАЈ)
Стружанка слоб.

Група Б
Овче Поле СУ – Пелистер 19-26 (ИЗВЕШТАЈ)
Металург Автокоманда – Куманово 22-22 (ИЗВЕШТАЈ)
Гевгелија слоб.

Група В
Вардар – Спартак 41:18 (ИЗВЕШТАЈ)
Деспина – Шампион 37-19 (ИЗВЕШТАЈ)
Ѓорче Петров слоб.

СПОРЕД ВАС КОЈА Е НАЈКОРИСНА РАКОМЕТАРКА НА 9. КОЛО ОД ЖЕНСКАТА ЛИГА?

Моника Босилковска - Пелистер

79.35%

Марија Анчева - Астибо

20.07%

Марија Јовановска - Куманово

0.58%

ТРИ ЅВЕЗДИ НА 9. КОЛО

Марија Јовановска (Куманово) – Голманката на Куманово имаше фантастична партија на дербито во Автокоманда, натпреварот го заврши со 20 интервенции.

Марија Анчева (Астибо) – Искусната ракометарка на натпреварот против Ѓорче Петров 2 одигра на посакуваното ниво и беше најзаслужна за победата вредна плеј-оф.

Моника Босилковска (Пелистер) – Десното крило со 12 гола го предводеше битолскиот тим до убедлив триумф над Овче Поле СУ.