Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 3 коло од суперлигашката конкуренција. Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има по еден ракометар од Вардар, Еурофарм Пелистер, Бутел Скопје, Тиквеш, Охрид, Прилеп и Аеродром.
За МВП на колото ќе можете да гласате до недела до 12 часот.
Супер лига, 3. коло, резултати:
Група А
КУМАНОВО – ОХРИД 20-35 (ИЗВЕШТАЈ)
ТИКВЕШ – СТРУГА 27-22 (ИЗВЕШТАЈ)
АЛКАЛОИД – ЕУРОФАРМ ПЕЛИСТЕР 2 42-29 (ИЗВЕШТАЈ)
СКОПЈЕ – АЕРОДРОМ 33-36 (ИЗВЕШТАЈ)
Група Б
МУЛТИ ЕСЕНС – БУТЕЛ СКОПЈЕ 28-33 (ИЗВЕШТАЈ)
ГОЛДЕН АРТ – ЕУРОФАРМ ПЕЛИСТЕР 21-38 (ИЗВЕШТАЈ)
ПРИЛЕП – ВАРДАР НЕГОТИНО 30-22 (ИЗВЕШТАЈ)
ВАРДАР – ПРОЛЕТ 31-20 (ИЗВЕШТАЈ)
ИДЕАЛЕН ТИМ НА 3. КОЛО ОД СУПЕРЛИГА
Голман: Калифа Гедбан (Еурофарм Пелистер ) – Aлжирецот бранеше едно полувреме против Голден Арт, но забележа девет одбрани.
Лево крило: Мирко Мајиќ (Тиквеш) – Црногорскиот интернационалец беше меѓу најдобрите на теренот против Струга.
Лев бек: Стефан Петриќ (Вардар) – Српскиот лев бек со седум гола беше најефикасен во победата над Пролет.
Среден бек: Димитар Ѓоргиевски (Бутел Скопје) – Средниот бек игра во одлична форма и даде шест гола во првата победа оваа сезона.
Десен бек: Пеце Рајатовски (Прилеп) – Поранешниот младински репрезентативец беше меѓу најдобрите во триумфот над неготинци.
Десно крило: Наум Костов (Аеродром) – Охриѓанецот погодуваше и од пенали и од игра и даде 12 гола во втората победа на новиот суперлигаш.
Пивот: Владимир Бојаниќ (Охрид) – Србинот даде четири гола во првиот дел кога Охрид ја правеше предноста, но си ја одработи и задачата во одбрана.
ПОВРЗАНИ ВЕСТИ
