Македонскиот вицепрвак Алкалоид дојде до третата победа во суперлигашката конкуренција и моментално заедно со Тиквеш се двете единствени екипи без загубен бод во групата А.
Тимот на Кире Лазаров третата победа во новата сезона ја оствари против Еурофарм Пелистер 2, триумфираше со 13 гола разлика, 42:29 (23:15).
Младите гости од Битола водеа во три наврати на почетокот и во останатиот дел, се беше во знакот на домаќинот, кој на овој натпревар беше предводен од неколку играи.
Марко Митев и Иван Џонов беа стрелци на седум погодоци, по шест постигнаа Александар Петковски и Давид Савревски, пет реализации имаше Игор Ѓорѓиев.
Кај Еурофарм Пелистер 2 најефикасен беше кружниот напаѓач Петар Маркоски со шест постигнати погодоци.
