Традицијата продолжува и екипата на 24Ракомет и годинава ви овозможува во секое коло од разигрувањето за титула и за опстанок да гласате за најдобрите ракометари по коло во пролетниот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло од плеј-оф и плеј-аут ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 3 коло од плеј-оф/аут во суперлигашката конкуренција.
Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има двајца ракометари од Тиквеш и по еден ракометар од Еурофарм Пелистер, Вардар Неготино, Пролет, Прилеп и Куманово.
За МВП на колото ќе можете да гласате до петок до 12 часот.
Супер лига, 3. коло, резултати:
Плеј-оф
ЕУРОФАРМ ПЕЛИСТЕР – ОХРИД 31-27 (ИЗВЕШТАЈ)
ТИКВЕШ – ВАРДАР 22-20 (ИЗВЕШТАЈ)
ПРОЛЕТ – БУТЕЛ СКОПЈЕ 20-18 (ИЗВЕШТАЈ)
СТРУГА – АЛКАЛОИД 22-32 (ИЗВЕШТАЈ)
Плеј-аут
АЕРОДРОМ – ГОЛДЕН АРТ 0-10 служ.
ПРИЛЕП – МУЛТИ ЕСЕНС 34-31 (ИЗВЕШТАЈ)
КУМАНОВО – СКОПЈЕ 32-26 (ИЗВЕШТАЈ)
ВАРДАР НЕГОТИНО – ЕУРОФАРМ ПЕЛИСТЕР 2 24-23 (ИЗВЕШТАЈ)
ИДЕАЛЕН ТИМ НА 3. КОЛО ОД СУПЕРЛИГАШКИОТ ПЛЕЈ-ОФ/АУТ
Голман: Данило Михаљевиќ (Пролет) – Црногорскиот чувар на мрежата беше меѓу предводниците на Пролет во првиот триумф во плеј-офот.
Лево крило: Мирко Мајиќ (Тиквеш) – Искусното лево крило имаше голем придонес во големата победа над Вардар.
Лев бек: Огњен Радојичиќ (Куманово) – На првиот натпревар за новиот клуб веднаш покажа дека се работи за квалитетно засилување.
Среден бек: Владан Кастратовиќ (Прилеп) – Црногорецот одигра одличен натпревар за трета плеј-аут победа на прилепчани.
Десен бек: Ани Обина (Тиквеш) – Десниот бек беше најдобар стрелец во триумфот над „црвено-црните“.
Десно крило: Богдан Радивојевиќ (Еурофарм Пелистер) – Српскиот репрезентативец имаше пет гола во тешката победа над Охрид.
Пивот: Андреј Митиќ (Вардар Неготино) – Кружниот напаѓач одигра добар натпревар против Еурофарм Пелистер 2 и имаше свој придонес за новите три бода.
ПОВРЗАНИ ВЕСТИ
