Традицијата продолжува и екипата на 24Ракомет и годинава ви овозможува во секое коло од разигрувањето за титула и за опстанок да гласате за најдобрите ракометари по коло во пролетниот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло од плеј-оф и плеј-аут ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 1 коло од плеј-оф/аут во суперлигашката конкуренција.
Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има двајца ракометари од Вардар и по еден ракометар од Еурофарм Пелистер, Охрид, Куманово, Пролет и Прилеп.
За МВП на колото ќе можете да гласате до недела до 12 часот.
Супер лига, 1. коло, резултати:
Плеј-оф
ВАРДАР – АЛКАЛОИД 34-26 (ИЗВЕШТАЈ)
БУТЕЛ СКОПЈЕ – ОХРИД 20-22 (ИЗВЕШТАЈ)
ТИКВЕШ – ЕУРОФАРМ ПЕЛИСТЕР 27-32 (ИЗВЕШТАЈ)
Плеј-аут
ПРИЛЕП – БОРЕЦ ФЛ 28-21 (ИЗВЕШТАЈ)
ПРОЛЕТ – СТРУГА 30-23 (ИЗВЕШТАЈ)
КУМАНОВО – РАДОВИШ 24-19 (ИЗВЕШТАЈ)
ИДЕАЛЕН ТИМ НА 1. КОЛО ОД СУПЕРЛИГАШКИОТ ПЛЕЈ-ОФ/АУТ
Голман: Мигел Еспиња (Вардар) – Чуварот на мрежата бранеше одлично и беше меѓу најдобрите против „сино-белите“.
Лево крило: Цветан Кузманоски (Еурофарм Пелистер) – Стружанецот беше меѓу најдобрите во триумфот во Кавадарци.
Лев бек: Давид Димевски (Куманово) – Младинскиот репрезентативец постигна повеќе од половина на головите на Куманово против Радовиш.
Среден бек: Ловро Јотиќ (Охрид) – Хрватот го водеше Охрид кон победата на гости кај незгодниот Бутел Скопје.
Десен бек: Доне Мајнов (Пролет) – Заедно со Ласко Андоновски и Андреј Стојановски, беше меѓу најзаслужните за убедливата победа против Струга.
Десно крило: Денис Шабановиќ (Прилеп) – Десното крило беше меѓу најдобрите стрелци на мечот со Борец ФЛ.
Пивот: Милан Лазаревски (Вардар) – Кружниот напаѓач на „црвено-црните“ одигра одлично против тимот на селекторот.
