Македонската репрезентативка Моника Килдан Јанеска и нејзиниот тим Бурса го добија дербито на 2 коло од турскиот шампионат.
Во „македонскиот“ двобој против Ускудар, каде што игра Андреа Седлоска, Бурса славеше со 30-25.
Бурса беше предводена од Килдан Јанеска, која успеа да погоди осум пати во противничката мрежа.
Седлоска исто така имаше добра партија и постигна пет погодоци, па ваквите партии се добра вест за селекторот Игор Марковиќ пред „Трофеј Македонија“ и Европското првенство.
