Ракометот во Данска никогаш не бил попопуларен, тоа го покажува и најновиот извештај за членство на ракометната федерација на Данска.
Бројот на регистрирани играчи во 2024 година достигнал 115.745, што претставува зголемување од 7.5% во однос на претходната година. Ова е највисокиот број на членови од 2009 година наваму во скандинавската земја.
„Нашите клубови се место за учење, игра и развој, а тоа е нешто што привлекува нови членови“, изјави директорот на ракометната федерација на Данска, Хајно Кнудсен.
Како што информираат од ракометната федерација на Данска, зголемувањето е рамномерно распределено низ четирите региони на земјата, каде што растот на членството се движи помеѓу 7% и 8.3%.
Ова ја потврдува пошироката распространетост на ракометот, не само во големите градови, туку и во помалите општини во скандинавската земја.
