Aџиќ ги откри адутите за ОИ – со осум ракометарки на Крим во Париз

Селекторот на Словенија, Драган Аџиќ, го објави скратениот состав пред стартот на Олимписките игри во Париз.

Аџиќ ќе смета на 17 ракометарки, од кои 14 се дел од составот и три ќе патуваат како резерви – Ема Хрватин, Нена Чернигој и Дијана Ѓајиќ.

Претходно од поширокиот список на ракометарки што беа на подготовките отпаднаа Ема Марија Марковиќ, Ерин Новак и Манца Јуриќ.

Од 14 ракометарки на скратениот список – осум се членки на Крим (Мавсар, Aбина, Лазовиќ, Клеменчиќ, Шпрејцер, Варагиќ, Војновиќ и Станко).

Словенките веќе одиграа еден пријателски натпревар и загубија од Унгарија со 31-21, а ги очекуваат уште еден со истиот ривал и со Бразил.

Избраничките на Драган Аџиќ ќе бидат во група со Кореја, Шведска, Данска, Норвешка и Германија.