Ракометарките на Ѓорче Петров денеска го играат третиот натпревар од новата сезона во Регионалната лига.
„Лавиците“ гостуваат во Цетиње кај екипата на Старс Лавици, која е предводена од македонскиот селектор Игор Марковиќ.
Ѓорче Петров досега запиша пораз кај Наиса Ниш, но и победа дома со Јагодина, па сега ќе го брка вториот триумф што ќе ги доближи до чевртфиналето.
Натпреварот се игра во Цетиње, а ќе стартува од 17:00 часот.
На домашна сцена ќе има шест натпревари – еден од Супер женската лига, еден од Првата женска лига, но и четири од Првата машка лига.
Во Гостивар ќе има двојна програма, додека довчерашниот суперлигаш Пролет ќе го пречека Шампион, а во Ресен гостува штипски Текстилец. Во Македонска Каменица ќе биде испишана историја со првиот меч, каде Сокол Саса ќе го пречека Партизан Гевгелија.
ДЕНЕСКА НА ТЕРЕНИТЕ:
16:00 Јехона – Струга
16:00 Пелистер – Ѓорче Петров 2
17:00 Старс Лавици – Ѓорче Петров
18:00 Сокол Саса – Партизан Гевгелија
18:30 Јехона – Овче Поле
19:00 Пролет – Шампион
19:00 Преспа – Текстилец
