Женската репрезентација на Македонија утре ќе го комплетира циклусот квалификации за Европското првенство во Романија, Полска, Чешка, Словачка и Турција.
Избраничките на Кристијан Грчевски ќе и гостуваат на Словенија, која веќе обезбеди билет за ЕП, па ќе биде без притисок на утрешниот меч.
Најдобрата ракометарка на Словенија, Тјаша Станко, посакува победнички крај на квалификациите.
„Се надевам дека навивачите ќе нè поддржат во голем број и на последниот натпревар. Верувам во нашата победа. Тоа би бил одличен начин да ги завршиме квалификациите за Европското првенство“, изјави Станко.
Натпреварот меѓу Словенија и Македонија се игра утревечер во „Рдеча Дворана“ во Велење со почеток од 18:00 часот.
