Норвешки Елверум успеа да го победи Монпелје со 35-31 во реванш осминафиналето од Лига Европа, иако францускиот тим се пласираше во следната фаза во четвртфиналето. Следен ривал на Монпелје е Вардар, кој сега може и официјално да се спрема за дуелот со Французите. На првиот меч во Франција, триумфираа домаќините со 36-24.

Само што почна вториот дел од средбата норвешкиот тим го презеде водството кое не го испушти до крај. Немаше шанси да ја надополни негативата од првиот меч, но барем донесе радост на трибините на оние што дојдоа да го следат натпреварот.

Доминик Мате постигна 6 гола за домашниот тим, исто колку и Петер Лукаш. Еден помалку постигна Дондре Гјердален. Кај гостите Монте Дос Сантош и Ромеу Балагуер дадоа по 5 гола.

Флензбург ремизираше на домашен терен со Архис, 33-33, но Германците ја завршија работата уште на првиот натпревар кога триумфираат со 38-32. Гостите дадоа гол за реми на две секунди до крај преку Кристијансон.

Емил Јакобсен даде 7 гола, а Јоханес Гола и Ласе Мелер по 6 за Флензбург. Кај гостите Кристјан Кристијансон даде 11 гола.

Селекторот на женската репрезентација на Словенија, Драган Аџиќ, ги избра ракометарките за последните два меча од квалификациите за ЕП 2026 против Белгија и Македонија.

Аџиќ за овие две средби ќе смета на најсилниот состав, освен средниот бек Нина Жулиќ, која има проблеми со коленото и нема да настапи.

Но затоа тука се Тјаша Станко од Ѓер, потоа голманката Маја Војновиќ, пивотот Наташа Љепоја…

Словенките гостуваат кај Белгија утре од 20:10 часот, додека ќе ја пречекаат Македонија во Велење на 12 април од 18:00 часот.

Специјализираниот портал за ракомет, 24Ракомет, сезонава повторно избира „Ѕвезда на колото“ во Супер женската лига.

Читателите ќе имаат можност да ја изберат ракометарката што најмногу покажала во колото што е завршено и да биде избрана за „Ѕвезда на колото“.

На крајот од сезоната ќе има избор и на Идеален тим на сезоната, што по четврти пат ќе биде направен во првенството на Македонија.

Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.

Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на 20. коло од Супер женската лига.

Во изборот за ѕвезда на 20. коло има по една ракометарка од Чаир, Спартак и Вардар.

За ѕвезда на колото може да гласате до петок до 12:00 часот.

Супер женска лига, 20. коло, резултати:

ЧАИР – КУМАНОВО 26-25
СПАРТАК – ПЕЛИСТЕР 25-26
ЃОРЧЕ ПЕТРОВ – ВАРДАР 42-24
АСТИБО – МЕТАЛУРГ АВТОКОМАНДА 10-0 сл.

СПОРЕД ВАС КОЈА Е НАЈКОРИСНА РАКОМЕТАРКА НА 20. КОЛО ВО ЖЕНСКАТА СУПЕР ЛИГА?

Ема Кирова - Чаир

72.22%

Сузана Зечевиќ - Спартак

18.06%

Марија Гугуљанова - Ѓорче Петров

9.72%

ТРИ ЅВЕЗДИ НА 20. КОЛО ОД СУПЕР ЖЕНСКАТА ЛИГА

Ема Кирова (Чаир) – Голманката на Чаир го фати последниот удар на гостинките од пенал и ги сочува двата бода во Чаир.

Марија Гугуљанова (Ѓорче Петров) – Македонската репрезентативка стрелаше седум пати против Вардар.

Сузана Зечевиќ (Спартак) – Црногорската интернационалка беше меѓу најдобрите поединци во триумфот над Пелистер во Битола.

Тимот на Охрид го оствари најголемиот клупски успех на меѓународна сцена со пласманот во полуфиналето на ЕХФ Европскиот Куп.

Ривал на Охрид ќе биде словенечкиот Целје, првиот натпревар е веќе закажан за 25 април во „Златорог Арена“ со почеток од 19:00 часот.

Домаќинот веќе ги пушти и влезниците во продажба, а Македонците во Словенија се мобилизираат за групно следење на мечот и навивање за Охрид.

Цените на билетите се 12 евра, од 19 април до 24 април ќе чинат 15 евра, додека на денот на мечот доколку има останато билети ќе чинат 18 евра. Може да се купат ТУКА.

Реваншот меѓу Охрид и Целје ќе биде на програмата на 2 мај во СРЦ „Билјанини Извори“.

По пласманот во полуфиналето на ЕХФ Европскиот Куп, ракометарите на Охрид им се враќаат на домашните обврски.

Охриѓани ги очекува тешко гостување кај шампионот Еурофарм Пелистер во дербито од 4 коло од суперлигашкиот плеј-оф.

Дефанзивецот Ориол Реј Моралес го најави мечот во Битола.

„Нè очекува тежок натпревар во еден од одлучувачките моменти од сезоната. Станува збор за дуел меѓу два квалитетни тима. Со добра подготовка и менталитет, имаме шанса да стигнеме до победа“, вели Моралес.

Натпреварот меѓу Еурофарм Пелистер и Охрид се игра в среда во салата „Боро Чурлевски“ со почеток од 18:00 часот.