Ракометарите на Партизан Гевгелија се израдуваа на триумф над Аеродром со 32-28 во натпреварот од 20 коло во прволигашката конкуренција.
Гостинските ракометари играа одлично во првиот дел, имаа и предност од три гола, 12-9, но пред паузата гевгеличани стигнаа до реми.
Најпрво со три гола во серија израмнија на 12-12, резултат со кој се отиде на пауза, а во второто полувреме домашните полека ја градеа предноста за на крај да ги освојат бодовите.
Најдобри стрелци во победничкиот тим беа Стојан Наумовски со девет и Илија Пејковски со осум гола, додека за гостите 11 погодоци даде Бојан Поповски.
На табелата, Аеродром е на шестото место со 18 бодови, додека гевгеличани останаа на деветтата позиција со 15 бода.
