Една од ракометарките што остави силен печат во францускиот ракомет, но и во ракометот во Сенегал, Њонсијан Ниомбла, објави дека ќе ја заврши својата кариера по крајот на сезоната.
35-годишната ракометарка, која настапува за Дижон, става точка на богата кариера исполнета со врвни резултати и настапи на најголемата сцена.
Ниомбла беше дел од златната генерација на Франција, со која освои светска титула во 2017 година и европско злато во 2018, додека на Олимписките игри во 2016 стигна до сребрен медал.
Во 2023 година направи неочекуван потег и го смени спортското државјанство, продолжувајќи да настапува за Сенегал, со кој беше дел од СП 2023 и СП 2025.
На клупски план, зад себе има богато искуство играјќи за големи европски тимови како Мец, ЧСМ Букурешт и Шиофок.
