Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во пролетниот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 20 коло од суперлигашката конкуренција.
Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има по еден ракометар од Вардар, Еурофарм Пелистер, Охрид, Прилеп, Пролет, Струга и „сино-белите“ од Автокоманда.
За МВП на колото ќе можете да гласате до понеделник до 12 часот.
Супер лига, 20. коло, резултати:
КУМАНОВО – ОХРИД 14-30 (ИЗВЕШТАЈ)
ПРОЛЕТ – СТРУГА 28-28 (ИЗВЕШТАЈ)
БУТЕЛ СКОПЈЕ – ВАРДАР 23-34 (ИЗВЕШТАЈ)
ЕУРОФАРМ ПЕЛИСТЕР 2 – АЛКАЛОИД 22-36 (ИЗВЕШТАЈ)
ПРИЛЕП – ТИКВЕШ 33-26 (ИЗВЕШТАЈ)
РАДОВИШ – ЕУРОФАРМ ПЕЛИСТЕР 17-42 (ИЗВЕШТАЈ)
ИДЕАЛЕН ТИМ НА 20. КОЛО ОД СУПЕРЛИГА
Голман: Марко Кизиќ (Алкалоид) – Голманот на „сино-белите“ блескаше на мечот во Битола.
Лево крило: Давор Палевски (Пролет) – Левото крило беше меѓу најдобрите на мечот со Струга и даде 11 гола.
Лев бек: Филип Кузмановски (Еурофарм Пелистер) – Капитенот беше најдобар стрелец на битолчани и не промаши ниту еднаш.
Среден бек: Јака Малус (Вардар) – Словенечкиот репрезентативец беше лидер на теренот во триумфот над Бутел Скопје.
Десен бек: Никола Шипинкоски (Прилеп) – Ги покажа своите квалитети против Тиквеш и беше меѓу најдобрите со Димитриоски и Ангелески.
Десно крило: Наум Костов (Струга) – Десното крило ја продолжи одличната форма и на мечот со Пролет.
Пивот: Џанфранко Прибетиќ (Охрид) – Кружниот напаѓач беше перфектен на дуелот против Куманово.
