Бундеслигашот Лудвигсбург официјално објави дека нема да учествува во новата сезона на германското првенство.
По откажувањето од Лигата на шампионите, актуелниот германски првак, нема да ја брани титулата ниту во Бундес лигата и оди во историјата, иако постоеја надежи дека ќе се собере барем ростер за битки на домашна сцена.
„И покрај сите напори, надежите за продолжување на проектот во помал обем не се остварија. Разговорите се водеа со голема посветеност и во тесна соработка со сите заинтересирани страни, но финансискиот дефицит кој постоеше уште од минатата сезона не успеавме да го затвориме. Дури и со значително кратење на буџетот, не можевме да обезбедиме одржливо финансирање. Во овие услови бевме приморани да донесеме одговорна одлука,“ изјави привремениот управител на клубот, Холгер Лајхтле.
Со оваа одлука, во новото издание на женската Бундес лига ќе настапат 11 екипи.
