Тимот на Раховец продолжува со серијата победи во косовскиот шампионат, овојпат славеше над Кастироти.
Раховец на македонскиот стратег Горан Андоновски против Кастриоти триумфираше со 39:35 и сега има „четири од четири“.
Претходно, избраниците на Андоновски славеа против екипите на Беса, Вуштрија и Приштина.
Раховец освен што е предводен од Андоновски, во тимот настапува и кружниот напаѓач Стефан Атанасовски.
Следен предизвик за Раховец ќе биде натпреварот против повратникот во косовската елита – Вјоса.
Во овој клуб настапуваат неколку македонски интернационалци, па ќе биде интересна пресметка.
