Селекцијата на Бразил славеше убедливо против Ангола со 30-19 и се пласираше во четвртфиналето на Олимписките игри во Париз.
Јужноамериканската и африканската селекција во директен дуел се бореа за ТОП 8, но Бразил победникот го реши уште по првиот дел, кога беше 14-6.
Второто полувреме беше само рутинско доработување на започнатото во првото полувреме и беше јасно кој ќе триумфира.
Најдобар стрелец кај победникот беше Битоло со шест погодоци, додека кај Ангола четири постигна Паскоал.
Тимот на Вардар ги пушти во продажба билетите за претстојните два натпревари што го очекуваат „црвено-црниот“ тим во следните три дена.
За суперлигашкото дерби против „сино-белите“ од Автокоманда што е закажано за в недела од 19:00 часот во СЦ „Јане Сандански“, има билети по цена од 200 и 300 денари во зависност од местото на седење во салата.
За последниот натпревар од Лигата на Европа против германскиот Мелсунген, што е закажан за 20:45 за во вторник во СЦ „Јане Сандански“, има билети по цена од 300 и 400 денари во зависност од местото на седење во салата.
Вардар нуди и блок-билети за двата меча, што ќе се продаваат по цена од 350 и 450 денари во зависност од местото на седење. Сите информации за продажбата на билетите ги имате ТУКА.
Македонскиот шампион Еурофарм Пелистер ремизираше против Фредериција, 29:29, во натпревар од 8. коло од Лигата на шампионите.
Избраниците на Алонсо имаа напад за два бода, но гостите се одбранија во финишот од средбата.
Искусниот Илија Аутовиќ ги истакна своите импресии по освоениот бод против данскиот вицепрвак.
,,Знаевме дека ќе биде потешко од првиот натпревар. Фредериција е добра екипа, игра добар ракомет. Сите навивачи очекуваа победа, ама не треба ние да се разочаруваме. Пред три дена почнавме да градиме нешто ново, секој бод е важен во Лига на шампиони. Ние направивме многу со ова реми. Благодарност до публиката, сега ние се насочуваме кон следните натпревари. Веќе в сабота нè чека следниот меч, а потоа доаѓа и Веспрем на гости“, изјави Абутовиќ.
Еурофарм Пелистер во следното коло од европската елита гостува кај европскиот гигант Веспрем.
Еурофарм Пелистер освои нов бод – драмата со Фредериција заврши реми
Алонсо: Кога не ги искористивме шансите за победа, добар е и бодот
Македонскиот шампион Еурофарм Пелистер ремизираше против Фредериција, 29:29, во натпревар од 8. коло од Лигата на шампионите. Избраниците на Алонсо имаа напад за два бода, но гостите се одбранија во финишот од средбата. На првото соочување меѓу двете екипи, победи Еурофарм Пелистер со 25:23.
По нерешените 4:4, тимот од Данска со два гола во низа за првпат успеа да се одлепи на ,,плус два” 6:4. До средината на првото полувреме голманот Никола Митревски беше без интервенција, додека на спротивната страна Торстен имаше две.
Фредериција некако успеаваше да ја сочува предноста, иако ниту тимот од Данска не играше најидеално, по 15 минути успеа да зголеми до дотогаш највисоките плус три, 10:7. Откако Митревски не можеше ништо да одбрани, тренерот Алонсо одлучи да направи замена, па во игра влезе вториот голман Филип Ивиќ, кој имаше само една интервенција за петнаесетина минути.
Во последните десет минути од првото полувреме пелистерци никако не можеа да дојдат до израмнување, не ги искористуваа грешките на ривалот, па така Фредериција константно беше во предност, но без голема комоција во играта, водеше со два до четири гола разлика. Гостите ја сочуваа стекнатата предност и на пауза заминаа со 16:13.
Откако Фредериција поведе со 17:13 на стартот на вториот дел, домаќините направија мини серија и намалија на 17:15 во 35 минута. За камбек во натпреварот недостасуваа одбраните на голманот. Ракометарите на македонскиот шампион намалија на 20:19 во 40 минута, а предноста на Фредериција во 45 минута остана иста, 21:20.
Домаќинот имаше шанса за израмнување, но искусниот Манасков погреши, па така гостите казнија за 22:20. Следуваа погодоците на Пешевски и Радивојевиќ за 22:22 во 47 минута и од тој момент Еурофарм Пелистер влезе во игра за победа. До крајот секој напад беше важен, а пелистерци, по нерешените 23:23, со голот на Кузмановски за првпат поведоа, 24:23, но гостите веднаш возвратија за 24:24.
Во последните десет минути се влезе со нерешен резултат, 25:25, се играше гол за гол, пелистерци наместо на два разлика, дозволија ривалот да израмни, 27:27, а на три минути пред финишот Фредериција со два гола во низа го презеде водството, поведе со 29:28. Еурофарм Пелистер израмни на 29:29, гостите не реализираа напад, но ниту домашниот тим не успеа да дојде до гол во последните секунди, па нерешениот резултат е најреален исход од денешната средба.
Еурофарм Пелистер во следното, 9. коло од европската елита ќе гостува кај унгарскиот гигант Веспрем.
Натпреварот меѓу Еурофарм Пелистер и Фредериција заврши реми, 29-29, иако и двете екипи имаа шанси да постигнат победнички погодок.
Тренерот на данскиот тим Гудмундур Гудмундсон, генерално е задоволен од изданието на неговите избраници.
„Беше многу тежок меч, како што очекувавме. Среќен сум поради нашата игра, игравме добро во првиот дел, бевме уште подобри на стартот на вториот дел, имавме ширина и генерално сум задоволен од изданието. Ние сме нов тим во Лигата на шампионите, освоивме бод, ќе бидеме уште подобри во иднина“, вели Гудмундсон.
Беккот Мадс Андерсен вели дека тој и неговите соиграчи правеле грешки во клучни моменти.
„Беше тежок натпревар со многу емоции, се обидовме да го дадеме најдоброто од себе, можеби направивме некои грешки во клучни моменти, губевме два разлика, направивме пресврт, имавме шанса за победа, но на крајот задоволни сме од освоениот бод.
Екс пелистерецот Реине Табода вели дека мора да бидат задоволни со освоениот бод.
,,Атмосферата беше прекрасна, многу добра атмосфера, мораме да биде задоволни со еден поен, на крајот успеавме да одиграме нерешени, така што мора да бидеме задоволни со еден поен”.
Следен предизвик за Фредериција ќе биде гостувањето кај полскиот првак Висла Плоцк.
