Ракометарите на Текстилец остварија тешка победа над Кичево со 35-32, во натпревар од прволигашкиот плеј-аут.
Гостите пружија силен отпор во првото полувреме во повеќе наврати и водеа со еден или два гола, но на пауза штипјани заминаа со предност, 19-18.
На стартот на вториот дел се играше исто така израмнето, но штипјани ја имаа контролата. Кичево израмни на 23-23, но потоа Текстилец поведе со 25-23 и до крајот водството на домаќините се движеше од еден до три гола..
Најдобри стрелци во победничкиот тим беа Филип Џинес со 11 погодоци и Милисав Петров со осум гола, додека кај Кичево се истакна Стефан Стефаноски со 11.
Во следната рунда Кичево игра дома со Овче Поле, додека Текстилец ќе гостува кај Преспа Вардар.
ПОВРЗАНИ ВЕСТИ
