Ракометарите на Вардар останаа во игра за шампионската титула, откако пред својата публика славеа над вечниот ривал, тимот на Еурофарм Пелистер, со четири гола разлика, 24:20.
Сега разликата меѓу нив е само два бода на табелата во корист на битолскиот тим. Вардаррци сега мораат да победат до крај, но и да чекаат кикс на битолчани на некој од следните натпревари.
Тренерот Владо Недановски ја коментираше победата против големиот ривал и најави остварување на зацртаната цел на преостанатите натпревари.
,,Сезоната сѐ уште не е завршена, сите екипи покажаа дека се квалитетни, можат да играат добар ракомет и можат да го изненадат секој ривал. Ние ќе го чекаме тој натпревар на Охрид со Еурофарм Пелистер. Нашата цел денес беше само да победиме, што ќе се случува понатаму ќе видиме. Самиот притисок на вакви натпревари си го прави своето, затоа имавм многу грешки, имавме многу промашени зицери, кои можеа да не чинат победа, но тоа не се случи денес. Одигравме добра одбрана во последните пет минути и сѐ реализиравме. Наша задача е да победуваме во секој натпревар, како ќе биде на крај останува да видиме”, изјави Недановски.
Вардар за ривал во следното коло го има тимот на Пролет, кој денеска беше поразен од вицепрвакот.
Томовски: Повеќе ја посакувавме победата, среќни сме за триумфот!
Вардар во игра за титулата – го победи Еурофарм Пелистер, ама ќе мора да чека и кикс на битолчани
ПОВРЗАНИ ВЕСТИ
