Изминатите неколку дена се играа натпреварите од седмата рунда во машката младинска лига.
На братскиот дуел меѓу Алкалоид и Мулти Есен во младинската лига, бодовите ги освои Мулти Есенс, кој триумфираше со 40-21.
На овој натпревар црвен картон заработи тренерот на Алкалоид, Љубомир Савевски. Екс селекторот на Македонија црвениот картон го доби поради недолично однесување кон судискиот пар Василевски и Михајлов.
Младинците на Охрид триумфираа на гостувањето кај Вардар со 20 гола разлика, 38-18. Преводници во нападот беа Никола Ристески со 12 и Лука Лангоски со десет погодоци.
Голден Арт предводен од Петар Стојаноски со 12 и Кристијан Стаменковиќ со десет гола, триумфираше против Еурофарм Пелистер со 45-23 во Битола. Во домашниот тим Благој Христовски имаше седум реализации.
Тиквеш ги освои трите бода против Прилеп, откако на домашен терен беше подобар со резултат 42-37. Кадетскиот репрезентативец Мики Лазов и младинскиот репрезентативец Славчо Шулески дадоа по 12 гола во тимот на Орданчо Лазов и беа меѓу најзаслужните за триумфот. Во редовите на Прилеп, Ангел Крстески стрелаше десет пати.
Младост на свој терен не дозволи изненадување и успеа да го победи Овче Поле. Тимот на Никола Роглев беше предводен од Ѓорѓе Атанасов со осум гола, додека кај гостите од Свети Николе, Бојан Гичев и Борјан Цековски комбинираа 15 погодоци.
Пролет забележа победа против Еурофарм Пелистер 2 со 36-29. Капитенот на младинската репрезентација Андреј Стојановски имаше седум гола во домашниот триумф, кај битолчани се истакна Димитар Вирловски со 12 погодоци, кои беа премалку за позитивен резултат
Лидер на табелата е Мулти Есенс со 18 бода, следуваат Голден Арт и Пролет исто така без пораз, но со едно реми и со по 16 бодови, додека Младост Богданци е на четвртото место со 12 бода.
Младинци, 7. коло, резултати:
Алкалоид – Мулти Есенс 21-40
Еурофарм Пелистер – Голден Арт 23-45
Тиквеш – Прилеп 42-37
Пролет – Еурофарм Пелистер 2 36-29
Младост Богданци – Овче Поле 33-27
Вардар – Охрид 18-38
Бутел Скопје слоб.
ПОВРЗАНИ ВЕСТИ
