Ракометарките на Металург, кој го бранат трофејот од Купот, се пласираа во четвртфиналето откако славеа кај Овче Поле Славјански Универзитет со 31-25.
Гостинките отворија со водство од 4-1, но избраничките на Илија Бетувски се вратија во егал, 4-4. По водството на Металург со 9-8, тимот од Автокоманда ја направи клучната предност што го реши победникот.
Во 16 минута почнаа проблемите на домашните во нападот. Беа без реализација цели десет минути, а за тоа време Металург ги казнуваше сите грешки и си обезбеди комотна предност на паузата, 17-9.
Второто полувреме беше само рутинско одработување на задачата, а девојките на Јулијана Дамчевска се обидоа да заштедат дел од силите за утрешната пресметка во Струга за место на Ф4.
Најдобри стрелци кај победникот беа Младеновска со десет, како и Ивановска и Трајковиќ со по пет погодоци, додека кај Овче Поле СУ се истакна Анастасија Сентовска со шест гола.
Куп на Македонија, жени, осминафинале:
Група 1
Скопје – Спартак 25-27
18/3, 19:30, Ѓорче Петров – Чаир
19/3, 17:00, финале, Спартак – Ѓорче Петров/Чаир
Група 2
Вардар – Шампион 32-18
Деспина – Кузман Вардар 35:16
19/3, 18:00, финале, Вардар – Деспина
Група 3
Стружанка – Астибо 27-19
Овче Поле СУ – Металург 25-31
19/3, 16:00, финале, Стружанка – Металург
Група 4
Пелистер – Гевгелија 26:17
19/3, 16:00, финале, Пелистер – Куманово
ПОВРЗАНИ ВЕСТИ
