Десниот бек Мохамед Ахмед Ел Азари, кој една полусезона настапуваше за кавадаречки Тиквеш се враќа на Балканот.
Тој во новата сезона ќе го носи дресот на црногорскиот шампион Ловќен, кој го потврди долгонајавуваниот трансфер.
Ел Азари, екс младински репрезентативец на Египет, по заминувањето од Кавадарци, вториот дел од минатата сезона го мина во италијанскиот Бриксен.
Сега реши да се врати на Балканот и ќе заигра за Ловќен, кој е во иста група со Еурофарм Пелистер и тимот на Кирил Лазаров во Регионалната лига.
