Јужна Кореја го доби азискиот двобој, се вмеша во борба за четвртфиналето

Селекцијата на Јужна Кореја по двата порази, ја забележа првата победа на Олимписките игри во Токио.

Во азискиот двобој, Јужна Кореја славеше против домаќинот Јапонија во интересен натпревар со 24-27.

По 6-6 во првот дел, Кореја со серија од четири гола направи предност за 6-10, но до крајот на полувремето, Јапонија се врати во игра и намали на 11-12.

Во вториот дел Кореја константно беше во водство од два до четири гола разлика и не дозволија ниту еднаш да биде загрозена нивната предност.

Најдобар стрелец во победничката репрезентација беше Ру со девет гола, додека кај Јапонија, Кондо даде седум, а голманките Итано и Каметани собраа 17 одбрани.

Сега Кореја се вмеша во борбата за место во четвртфиналето, бидејќи ја чекаат дуели со отпишаната Ангола и со Црна Гора.