Слатка победа на Радовиш против КЛ7, важен чекор до опстанок во Суперлига

Ракометарите на Радовиш ја остварија најважната победа во плеј-аутот од Суперлигата. На гостински терен беа подобри од составот на КЛ7 со 23-24. За Радовиш останува само уште дуелот со Астраион на гости, додека КЛ7 ќе игра против Работнички.

Избраниците на Игор Котевски поведоа со 2-0, беше и 3-1, но искусните гости се вратија набрзина во игра и израмнија на 4-4. Потоа се играше гол за гол, свои моменти имаа и голманите на двете екипи, Петковски и Паунов.

Радовишани стрелаа два пати по ред во финишот на полувремето, па на пауза се замина со 11-13.

На стартот на вториот дел, Паунов одбрани два зицери, па Радовиш стигна и до највисоки плус четири, 12-16. Главниот дефанзивец на радовишани, Александар Марков доби трето исклучување и црвен картон, па КЛ7 побрзо го наоѓаше патот до мрежата на ривалот.

Котевски викна тајм-аут по високата негатива, па КЛ7 се доближи на минус 16-17. Имаше шанса и за реми, но Паунов одбрани зицер, па неговите соиграчи искористија уште неколку грешки на домаќинот и на петнаесетина минути до крајот, Радовиш повторно имаше плус три, 16-19.

Гостите почнаа да грешат во нападот, па КЛ7 се врати во игра, 19-19. Радовиш во продолжение погоди преку Стојановски, а потоа Паунов му одбрани шут на Гајиќ и гостите на шест минути до крајот имаа плус три, 20-23.

Повторно голманот на Радовиш се испречуваше пред младите ракометари на КЛ7, беше и 21-24, а на минута до крајот Симоноски намали на 22-24. Радовишани не погодија, но Паунов одбрани и славјето на гостите можеше да почне.

ГОЛДЕН АРТРАДОВИШ 30 мај 2021 23 - 24 Крај

Детали

Датум	Време	Лига	Сезона	Match Day	Крај
30 мај 2021	19:53	ПЛЕЈ АУТ СУПЕРЛИГА	2020/2021	30.05.2021	60'

Место

СЦ „Борис Трајковски“

Резултати

Екипа	1-во полувреме	2-ро полувреме	Резултат
ГОЛДЕН АРТ	11	23	Пораз
РАДОВИШ	13	24	Победа

ГОЛДЕН АРТ

#	Играч	Позиција	Исклучување	Голови
5	Александар Стојков	десно крило	0	3
6	Филип Крстески	пивот	2	1
10	Симон Гучески	лево крило	0	0
11	Игор Ѓоргиев	централен бек	0	6
14	Кристијан Симоноски	пивот	0	4
15	Бојан Љубевски	лев бек	0	0
17	Божидар Илиески	централен бек	0	1
19	Мартин Димовски	десен бек	1	3
20	Иван Галевски	-	0	0
22	Евгениј Темелкоски	десно крило	0	0
23	Емилијан Ѓорговски	лев бек	0	1
24	Олег Јорданов	лев бек	0	0
26	Марко Стојковиќ	пивот	1	0
31	Глигор Гајиќ	централен бек	1	4
33	Виктор Василевски	голман	0	0
99	Андреј Петковски	голман	0	0
	Вкупно		5	23

РАДОВИШ

#	Играч	Позиција	Исклучување	Голови
1	Славјан Паунов	голман	0	0
3	Зоран Стојановски	лево крило	1	8
6	Ристе Чапов	централен бек	0	0
7	Александар Долдуров	лево крило	0	2
9	Спасе Ѓоргиев	десно крило	0	2
10	Здравко Постолов	централен бек	1	0
12	Али Кобеиси	пивот	0	0
16	Александар Ристов	голман	0	0
18	Ангелче Органџиев	лев бек	0	4
19	Александар Марков	лев бек	3	1
23	Кристијан Ристов	лево крило	0	0
66	Ивица Илиев	централен бек	0	6
71	Филип Трајанов	десно крило	0	0
77	Милош Лојаничиќ	десен бек	1	1
81	Мартин Ситновски	-	0	0
88	Петар Ачимовиќ	лев бек	0	0
	Вкупно		6	24

Officials

Судии:	Делегат:
ГЕОРГИЕВСКИ ДЕЈАН ГЕОРГИЕВСКИ ДИМИТАР	ОГЊАНОВСКИ МАРЈАН