Лошо издание на Вардар, се враќа со тежок пораз од Запорожје

Екипата на Вардар го одигра својот најлош натпревар во последните неколку години откако денеска после катастрофалните почетни десет минити одигра премногу лошо и претрпе пораз од 23:30 против тимот на Мотор.

Дека ќе биде тешко на гостувањето во Запорожје беше јасно уште пред патувањето за Украина. Ракометарите беа свесни за она што ги очекува, но очигледно никој не очекуваше дека средбата ќе биде така лошо отворена. Момците влегоа со 0:6, а првите гол го постигнаа дури во 11. минута.

Оваа негатива од шест погодоци растеше постојано и немаше никакви шанси за да се дојде до намалување на преголемата разлика. Се играше многу тешко и акциите тешко поминуваа покрај добро подготвениот противник. На сето тоа се надовра и лошата игра во одбрана, па тоа овозможуваше Мотор постојано да биде во голем плус и на одмор да има предност од 16:9.

Големото заостанување од првото полувреме стана уште поголемо во продолжението. Во 41. минута разликата беше десет гола, а тогаш резултатот беше 13:23. Тука веќе беше јасно дека ова ќе биде тежок пораз. Вардарците делуваа лошо на теренот и речиси и да немаше расположен играч за да дојде до нешто повеќе.

Ова беше далеку поинаква екипа од онаа што дојде до победа против Елверум. Тоа само ги зголемуваше проблемите за Алушовски бидејќи тешко можеше да најде постава која ќе донесе нешто повеќе на теренот. Иако имаше моменти на мал блесок на Карапалевски, сепак, тоа се загуби во лошиот ден на повеќето ракометари на Вардар.

На крајот резултатот беше 23:30 и ова беше тежок пораз за Вардар во СЕХА лигата.

МОТОРВАРДАР 1961 27 февруари 2021 30 - 23 Крај

Детали

Датум	Време	Лига	Сезона	Match Day	Крај
27 февруари 2021	22:11	СЕХА ЛИГА Б	2020/2021	27.02.2021	60'

Резултати

Екипа	1-во полувреме	2-ро полувреме	Резултат
МОТОР	16	30	Победа
ВАРДАР 1961	9	23	Пораз

МОТОР

#	Играч	Позиција	Исклучување	Голови
5	Јури Кубацко	десно крило	0	3
6	Максим Бабичев	пивот	0	0
7	Ајденас Маласинскас	централен бек	0	2
10	Барис Пухоуски	централен бек	0	1
11	Захар Денисов	лево крило	0	0
17	Игор Турченко	лев бек	0	1
18	Карлос Молина	-	0	0
19	Едуард Кравченко	десно крило	0	0
22	Владислав Донцов	десен бек	0	3
24	Дмитро Хориха	лев бек	1	6
25	Павло Гурковски	пивот	0	0
27	Иван Бурзак	пивот	2	6
33	Иван Мароз	голман	0	0
35	Тарас Миноцки	десен бек	0	6
55	Генадиј Комок	голман	0	0
74	Вјачеслав Бокан	пивот	1	2
	Вкупно		4	30

ВАРДАР 1961

#	Играч	Позиција	Исклучување	Голови
2	Васко Шеваљевиќ	лев бек	0	5
3	Патрик Валчак	пивот	0	1
5	Стојанче Стоилов	пивот	0	0
8	Димитар Димитриоски	лево крило	0	4
9	Гоце Георгиевски	десно крило	0	2
11	Мартин Карапалевски	централен бек	0	4
15	Кристијан Дисингер	лев бек	0	0
21	Глеб Калараш	пивот	3	0
24	Анте Гаџа	централен бек	0	0
28	Филип Талески	лев бек	0	4
31	Тимур Дибиров	лево крило	0	2
44	Јосип Векиќ	десен бек	1	1
55	Стефан Атанасовски	пивот	0	0
77	Робин Кантегрел	голман	0	0
98	Марко Кизиќ	голман	0	0
	Вкупно		4	23

СЕХА ЛИГА – ГРУПА Б

ТАБЕЛА