Ракометарите на Еурофарм Пелистер имаа водство од 16:10 на полувремето, а имаа и плус седум, па на крајот од средбата мораа да се задоволат со реми од вториот одигран натпревар сезонава во Лигата на Европа. Битолчани денеска ремизираа против Кадетен со 25:25.
Домашната екипа имаше повеќе од играта во првото полувреме и доминираше на теренот во поголемиот дел од овие 30 минути. Добрата игра носеше и добар резултат, но имаше и подеми и падови.
Откако на почеток беше одиграно добро и во нападот и во одбраната тоа резултираше со 8:4 после првите 15 минути од средбата. Потоа во следните 6-7 минути не одеше најдобро и гостите се вратија. Меѓутоа откако резултатот беше 10:9 следуваше одлична серија од 6:0 со што беа направени највисоките плус седум на овој дуел.
Сепак, во последните моменти од првото полувреме гостите стигнаа до реализација за на одмор да имаат негатива од шест гола односно Еурофарм Пелистер да води со 16:10.
Почетокот на вториот дел од натпреварот не донесе игра според посакуваното. Високите шест гола почнаа полека да ги снемува. Место полека да се зголемуваат или да се чуваат дојде до постојано намалување на високата предност.
Во нападот не одеше најдобро, немаше доволно голема решителност за да се упати удар, а таквата игра допринесуваше тимот на Кадетен да се враќа во натпреварот.
ЕУРОФАРМ ПЕЛИСТЕР 25-25 КАДЕТЕН ШАФХАУЗЕН
После 40 минути игра резултатот беше 19:15, но на средина на второто полувреме резултатот беше 20:18. Тоа беа само четири постигнати гола за 15 минути, а главно беше така поради тоа што се брзаше со шут повеќепати и од неизградени позиции. Сето ова беше казнето и во 52. минута гостите успеаја првпат после 1:1 на почетокот да израмнат. На нешто повеќе од пет минути до крајот на средбата дојде и првото водство за тимот на Кадетен од 23:22 така што ова беше голем пресврт за гостите.
Водството беше вратено откако голманот Благојче Трајкоски успеа да пресече еден напад на противникот и да асистира до Периќ кој имаше останато пред голот на гостите и немаше проблеми да реализира.
Сепак, не се издржа. Противникот успеваше да израмнува, а последното дојде на девет секунди до крај, па не остана многу време за последниот напад во кој одново се избрза со шут, па на крајот со нерешените 25:25 и двете екипи мораа да се задоволат со по еден бод.
 ЕУРОФАРМ ПЕЛИСТЕРКАДЕТЕН ШАФХАУЗЕН 
17 ноември 2020
25 - 25Крај |
Детали
| Датум | Време | Лига | Сезона | Match Day | Крај |
|---|---|---|---|---|---|
| 17 ноември 2020 | 20:17 | ЛИГА ЕВРОПА D | 2020/2021 | 17.11.2020 | 60' |
Место
| Спортска сала „Боро Чурлевски“ |
|---|
Резултати
| Екипа | 1-во полувреме | 2-ро полувреме | Резултат |
|---|---|---|---|
| ЕУРОФАРМ ПЕЛИСТЕР | 16 | 25 | Реми |
| КАДЕТЕН ШАФХАУЗЕН | 10 | 25 | Реми |
ЕУРОФАРМ ПЕЛИСТЕР
| # | Играч | Позиција | Исклучување | Голови |
|---|---|---|---|---|
| 2 | Матео Мараш | десен бек | 0 | 1 |
| 4 | Никола Маркоски | пивот | 0 | 1 |
| 6 | Бојан Маџовски | лево крило | 0 | 1 |
| 9 | Стипе Мандалиниќ | лев бек | 0 | 6 |
| 10 | Томислав Кушан | пивот | 1 | 4 |
| 11 | Невен Стјепановиќ | десен бек | 0 | 1 |
| 13 | Мирко Радовиќ | десен бек | 0 | 1 |
| 14 | Марио Танкоски | централен бек | 0 | 0 |
| 16 | Благојче Трајкоски | голман | 0 | 0 |
| 18 | Јосип Периќ | централен бек | 0 | 4 |
| 19 | Ненад Костески | десно крило | 0 | 1 |
| 21 | Градимир Чаневски | голман | 0 | 0 |
| 23 | Марин Вегар | лев бек | 0 | 2 |
| 24 | Милорад Кукоски | лев бек | 0 | 0 |
| 30 | Мартин Велковски | десен бек | 0 | 0 |
| 59 | Елмир Граџан | пивот | 0 | 3 |
| Вкупно | 1 | 25 |
КАДЕТЕН ШАФХАУЗЕН
| # | Играч | Позиција | Исклучување | Голови |
|---|---|---|---|---|
| 1 | Кристијан Пилиповиќ | голман | 0 | 0 |
| 3 | Анхел Монторо Кабељо | десен бек | 0 | 1 |
| 4 | Самуел Зендер | лево крило | 0 | 0 |
| 6 | Димитриј Кител | десен бек | 0 | 3 |
| 7 | Габор Часар | централен бек | 0 | 1 |
| 8 | Ерик Шмит | пивот | 1 | 0 |
| 9 | Јонас Шопер | пивот | 0 | 2 |
| 12 | Игнасио Биска Гарсија | голман | 0 | 0 |
| 14 | Филип Новак | пивот | 0 | 0 |
| 17 | Маријан Тојберт | лев бек | 0 | 0 |
| 18 | Максимилијан Гербл | десно крило | 0 | 0 |
| 20 | Лука Марош | лев бек | 1 | 4 |
| 21 | Јонас Шелкер | централен бек | 0 | 7 |
| 22 | Себастијан Фримел | лево крило | 0 | 4 |
| 24 | Ник Томинец | десно крило | 0 | 3 |
| Вкупно | 2 | 25 |
Бабиќ: За да победиме, мора да играме на исто ниво цел натпревар!
Мараш: Бевме перфектни во првиот дел, а потоа не стигна заморот
