Еден од подобрите дефанзивци од Хрватска, Ален Блажевиќ после осум години во редовите на Пик Сегед си заминува.
Откако стана јасно дека екипата нема да игра повеќе сезонава бидејќи првенството и Купот на Унгарија нема да се доиграат, а исто така и Лигата на шампионите тој се збогуваше со навивачите.
„Благодарам за сите моменти коишто ги доживеавме заедно. Сегедин е мојот втор дом. Многу сум тажен што поради коронавирусот ова е единствениот начин да се заблагодарам. Клубот има прекрасни фанови кои со цело срце и душа го поддржуват. Заедно успеавме да постигнеме големи победи“, напиша Блажевиќ на социјалните мрежи.
Засег анема информација каде ќе ја продолжи кариерата, но овој 34-годишен ракометар сигурно брзо ќе најде нов тим со оглед на тоа што се работи за особено квалитетен дефанзивец.
