Тимот на Веспрем ја забележа шестата победа во седмиот натпревар од регионалната СЕХА лига, откако на домашен терен беше подобар од Металопластика со убедливи 36-29.
Домашните водеа во текот на целиот меч и победата во ниту еден момент не беше доведена во прашање. Момците на Дејвис се одлепија на 6-2, па 9-3, а до паузата беше 22-14.
Вториот дел беше само рутинско одработување на задачата, а шанса за настап добија сите ракометари од клупата.
Дејан Манасков постигна два гола на овој дуел, а најдобар стрелец во победничкиот тим беше Јахиа со шест погодоци. Кај српскиот тим се истакна Милиќ со шест голови.
Сега Веспрем има 18 бодови на врвот на табелата во групата Б од СЕХА, додека Мешков е втор со 12 бода, а нашиот Еурофарм Работник остана на девет бодови.
ПОВРЗАНИ ВЕСТИ
