Тимот на Сомбатељ, каде што игра македонската репрезентативка Ивана Џатевска, одигра нерешено со Кишварда, 29-29.
Во натпреварот од 2 коло во унгарскиот шампионат, Сомбатељ успеа да извлече бод, иако беше во негатива на паузата од 16-14 на гости кај екс тимот на Џатевска.
Македонската репрезентативка беше втор стрелец кај гостинките и успеа да постигне шест погодоци во противничката мрежа.
Сомбатељ и Џатевска во следното коло на домашен терен против Мошонмаѓаровар ќе имаат шанса за прв триумф во новата сезона.
