Ристовска без промашување, ЦСКА лесно ја реши Астраханочка

Тимот на ЦСКА Моксва, каде што игра македонската репрезентативка Сара Ристовска, забележа нова победа во шампионатот на Русија.

ЦСКА Москва славеше над амбициозната Астраханочка со убедливи 35:18. Победникот на овој натпревар беше решен уште по првото полувреме, кое заврши со резултат 16:8 за домашниот тим.

Ристовска во дуелот со тимот од Астрахан имаше 100% реализација, три гола од исто толку обиди, а на теренот мина 33 минути.

ЦСКА Москва убедливо е на првото место на табелата со 46 бода од 23 меча, додека на второто место се наоѓа Ростов Дон со 38 бода.

Следен предизвик за Ристовска и колешките ќе биде дуелот против некогашниот руски шампион Динамо Синара.