Прв интернационален предизвик: Игор Трајковски се сели во Финска!

Поранешниот ракометар на Пелистер и Еурофарм Работник, Игор Трајковски, во новата сезона ќе го има првиот интернационален предизвик во кариерата.

Тој потпиша за тимот на СИФ од Финска, и ќе стане третиот Македонец во финската лига, каде што играат Илија Крстевски и Александар Тренчевски за тимот на ПИФ.

Освен за битолските екипи, Трајковски настапуваше и за тимот на Струга, а имаше понуди од неколку македонски суперлигаши.

СИФ минатата сезона беше веднаш зад водечката тројка во финскиот ракомет – БК 46, Кокс и Дикен.